اردوورلڈ کینیڈا ( ویب نیوز)وزیر اعظم شہباز شریف نے کہا ہے کہ انسانی سمگلنگ ایک افسوسناک جرم ہے اور اس گھناؤنے فعل کی روک تھام کے لیے اقدامات کیے جائیں۔

وزیراعظم محمد شہباز شریف نے یونان کے جزیرے کے قریب پاکستانیوں کی ہلاکت پر دکھ کا اظہار کرتے ہوئے ہدایت کی کہ اس سلسلے میں تمام ضروری اقدامات کیے جائیں۔
شہباز شریف نے کہا کہ انسانی سمگلنگ ایک افسوسناک جرم ہے جو ہر سال کئی لوگوں کی جانیں لے لیتا ہے اور کئی گھر اجاڑتا ہے۔ انسانی سمگلر ایک ظالم مافیا ہے جو غریبوں کو جھوٹے اور سنہرے خواب دکھا کر پیسے بٹورتا ہے۔
وزیراعظم نے وزیر داخلہ محسن نقوی کو واقعے کی جلد از جلد انکوائری رپورٹ پیش کرنے کی ہدایت کرتے ہوئے کہا کہ انسانی سمگلنگ میں ملوث افراد کی نشاندہی کرکے انہیں سخت سزائیں دی جائیں تاکہ وہ اس قسم کی گھناؤنی حرکتوں کا اعادہ نہ کریں، اور ٹھوس اقدامات کیے جائیں۔ مستقبل میں ایسے واقعات کی روک تھام کے لیے اقدامات کیے گئے ہیں۔