65
اردو ورلڈ کینیڈا ( ویب نیوز ) نیپال میں مون سون بارشوں نے تباہی مچا دی، مختلف واقعات میں کم از کم 14 افراد ہلاک ہو گئے۔غیر ملکی میڈیا رپورٹس کے مطابق نیپال میں ان دنوں مون سون کی شدید بارشوں کا سلسلہ جاری ہے جس کے باعث سڑکیں ندیوں کا منظر پیش کرنے لگی ہیں اور دریاؤں میں پانی کی سطح خطرناک حد تک بڑھ گئی ہے۔حکام کا کہنا ہے کہ سیلاب اور لینڈ سلائیڈنگ کے باعث 36 گھنٹوں میں 14 افراد ہلاک، 12 زخمی اور 9 افراد لاپتہ ہو گئے ہیں۔مقامی پولیس کا کہنا ہے کہ امدادی ٹیمیں متاثرہ علاقوں میں کام کر رہی ہیں اور لاپتہ افراد کی تلاش بھی جاری ہے۔ یاد رہے کہ نیپال میں جون کے وسط سے بارشوں کا سلسلہ جاری ہے جس کے باعث سیلاب اور لینڈ سلائیڈنگ میں 50 افراد ہلاک ہو چکے ہیں۔
