لیکن کچھ دوسرے طلباء محسوس کرتے ہیں کہ یہ کینیڈا کی حکومت کی طرف سے اٹھایا گیا صحیح قدم ہے کیونکہ اس سے حکومت کو بین الاقوامی طلباء کے پروگرام کو کنٹرول کرنے میں مدد ملے گی۔
لیکن ایک عام اتفاق ہے کہ اس پروگرام کا جائزہ لینے کی ضرورت ہے۔ گزشتہ ماہ اونٹاریو مارکیٹنگ پروگرام کی تعلیم حاصل کرنے کے لیے بھارت سے آنے والی گایتری جے چندرکروپ سریجا کامیڈیا سے گفتگوکرتے ہوئے کہنا تھا کہ ان تبدیلیوں سے ان بچوں کے خواب چکنا چور ہو گئے ہیں جو وہ جانتی ہیں کہ کینیڈا آ کر تعلیم حاصل کرنا چاہتے تھے۔ اس کی وجہ سے وہ سب بہت دکھی ہیں۔انہوں نے کہا کہ بہت سے طلباء یہاں آکر تعلیم حاصل کرنا چاہتے ہیں لیکن یہ فیصلہ ان کے لیے بہت برا ہے۔
اسی طرح ہندوستان کی ایک اور بین الاقوامی طالبہ ہریتھا کلادھرن، جو بزنس اور پروسیس مینجمنٹ کی تعلیم حاصل کر رہی ہیں میڈیا سے گفتگو میں انہوں نے کہا کہ ان تبدیلیوں کی وجہ سے، ہندوستان میں مقیم ان کے بہت سے جاننے والے طلباء مایوس ہوئے۔ لیکن ان کا کہنا تھا کہ کینیڈا کو اس پروگرام سے جڑے مسائل کو حل کرنا چاہیے۔انہوں نے کہا کہ اس فیصلے سے بہت سے ممالک کے طلباء کو صدمہ پہنچا ہو گا لیکن وہ نہیں جانتے کہ ہم جیسے بین الاقوامی طلباء یہاں آتے ہیں، یہ کیسی جدوجہد ہے۔
انہوں نے کہا کہ بین الاقوامی طلباء کو رہائش کی تلاش اور پارٹ ٹائم ملازمتیں تلاش کرنے میں کتنی مشکلات کا سامنا کرنا پڑتا ہے اور اس کے علاوہ انہیں اپنے ملک کے طلباء سے زیادہ ٹیوشن فیس ادا کرنی پڑتی ہے۔ اگر کینیڈا مزید تارکین وطن کو یہاں بلانا چاہتا ہے تو حکومت کو بھی کوئی منصوبہ بنانا چاہیے تاکہ ہمیں نوکریاں مل سکیں۔
شیریڈن کالج میں زیر تعلیم 20 سالہ مارکیٹنگ کے طالب علم منموہیدپریت سنگھ نے میڈیا سے اظہار خیال میں کہا کہ بین الاقوامی طلباء کی تعداد کو محدود کرنا ضروری ہے۔ انھوں نے کہا کہ انھیں یہاں خود کو برقرار رکھنے کے لیے بہت زیادہ رقم کی ضرورت ہے۔ کوئی بھی بین الاقوامی طالب علم جو یہاں آنا چاہتا ہے اسے تمام پہلوؤں سے تیار رہنا چاہیے۔ دریں اثنا، جمعہ کو، اونٹاریو حکومت نے اعلان کیا کہ صوبے کے تمام کالجوں اور یونیورسٹیوں کو آنے والے بین الاقوامی طلباء کے لیے رہائش کا بندوبست کرنا ہوگا۔