این اے 47 کے پی ٹی آئی کے حمایت یافتہ آزاد امیدوار شعیب شاہین نے ہائی کورٹ میں دائر درخواست میں کہا ہے کہ الیکشن کمیشن کی جانب سے جاری کردہ طارق فضل چودھری کی کامیابی کی اطلاع کو کالعدم قرار دیا جائے.
اس کے علاوہ این اے 48 کے آزاد امیدوار علی بخاری نے مسلم لیگ ن کے امیدوار راجہ خرم نواز کی جیت کے نوٹیفکیشن کو چیلنج کیا.
درخواست میں موقف اختیار کیا گیا کہ الیکشن کمیشن نے ہمیں سنے بغیر نوٹیفکیشن جاری کیا، عدالت سے درخواست کی گئی ہے کہ نوٹیفکیشن کو کالعدم قرار دیا جائے.
واضح رہے کہ الیکشن کمیشن نے اسلام آباد کی تین نشستوں پر امیدواروں کی کامیابی کا نوٹیفکیشن جاری کیا تھا.