اردو ورلڈ کینیڈا ( ویب نیوز ) منی لانڈرنگ کیس، ایف آئی اے نے سلیمان شہباز کو کلین چٹ دیدی ۔منی لانڈرنگ کیس میں سلیمان شہباز کی ضمانت قبل از گرفتاری کی درخواست کی سماعت اسپیشل جج سینٹرل نے کی، اسپیشل پراسیکیوٹر فاروق باجوہ اور تفتیشی افسر ضمنی چالان کے ساتھ عدالت میں پیش ہوئے۔
سماعت کے دوران ایف آئی اے نے سلیمان شہباز کے خلاف چالان عدالت میں پیش کیا، تفتیشی افسر نے عدالت کو بتایا کہ متعلقہ اتھارٹی کی منظوری کے بعد چالان پیش کیا گیا ہے۔اس موقع پر ایف آئی اے نے عدالت کو بتایا کہ کسی قسم کی کک بیکس کے شواہد نہیں ملے، جس پر جج نے سلیمان شہباز کے وکیل سے پوچھا کہ کیا آپ ضمانت واپس لینا چاہتے ہیں؟ جس پر ایف آئی اے کے تفتیشی افسر نے کہا کہ کیس میں سلیمان شہباز اور طاہر نقوی کے ملوث ہونے کے شواہد نہیں ملے۔
سلیمان شہباز اور طاہر نقوی نے عدالت سے درخواست ضمانت واپس لے لی، عدالت نے سلیمان شہباز کو مقدمے کی سماعت میں 4 فروری کو طلب کر رکھا ہے۔
