اردوورلڈ کینیڈا ( ویب نیوز )ایف آئی اے اور قانون نافذ کرنے والے اداروں کے کرنسی سمگلنگ اور ذخیرہ اندوزوں کے خلاف کریک ڈاؤن کے دوران راولپنڈی کے علاقے جہلم میں غیر ملکی کرنسی کا ذخیرہ برآمد کر لیا گیا ہے۔
ذرائع نے دعویٰ کیا کہ ملزم کی نشاندہی پر ایف آئی اے سمیت دیگر قانون نافذ کرنے والے اداروں نے راولپنڈی کے علاقے جہلم میں چھاپہ مارا جہاں ایچ اینڈ ایچ اور حمید کرنسی ایکسچینج سے لاکھوں ڈالرز، پاؤنڈز ،ریال اور کروڑوں پاکستانی روپے برآمد ہوئے جبکہ 8 افراد کو گرفتار کر لیا گیا۔
چھاپے کی قیادت ایف آئی اے کے ڈپٹی ڈائریکٹر جیر نصرانی اور سب انسپکٹر گوہر شاہ اور دیگر نے کی۔ ذرائع کا کہنا ہے کہ ڈیجیٹل لاکر سے اب تک چالیس کروڑ روپے سے زائد مالیت کی ملکی و غیر ملکی کرنسی برآمد ہوئی ہے، جب کہ پلازے میں اربوں روپے کی ملکی اور غیر ملکی کرنسی چھپائے جانے کا انکشاف ہوا ہے۔
ذرائع کے مطابق پلازہ میں دیواروں اور فرش پر ڈیجیٹل سیفز میں رقم چھپائی گئی ہے، مزید ڈیجیٹل سیف کھولے جائیں تو رقم کا اندازہ لگایا جائے گا۔
دوسری جانب پلازہ کے مالک اور رقم بھی قانونی دستاویزات کے ساتھ پہنچ گئے اور چھاپہ مار ٹیم کو مطمئن کرنے کی کوشش کی۔ جس کے بعد ڈیجیٹل سیف کو کاٹنے کا حکم دینے والے کٹر کو واپس کر دیا گیا۔
اطلاعات کے مطابق راولپنڈی کے نجی مال پلازہ سے نکلنے والی رقم پر ایف آئی اے اور مال مالک کے درمیان تلخ کلامی ہو گئی ہے۔ پلازہ مالک کا کہنا تھا کہ برآمد ہونے والی رقم یہیں رکھی جائے جب کہ ایف آئی اے حکام کا کہنا تھا کہ رقم ہم اپنے ساتھ لے جائیں گے۔ایف آئی اے نے بعد میں پولیس کو مدد کے لیے بلایا۔
