اردو ورلڈ کینیڈا ( ویب نیوز ) آئی سی سی ٹی 20 ورلڈ کپ جیتے والی بھا رتی ٹیم سمندری طوفان کے باعث بارباڈوس میں پھنس گئی۔بھارتی میڈیا کے مطابق بارباڈوس میں کیٹیگری 4 کے طوفان باریل کی پیش گوئی کی گئی ہے، سمندری طوفان کے باعث بارباڈوس کے ایئرپورٹ کو بند کردیا گیا ہے۔بھارتی میڈیا رپورٹ کے مطابق یہ دوسرا بدترین طوفان ہے، بارباڈوس میں کرفیو جیسی صورتحال ہے، کسی کو باہر جانے کی اجازت نہیں ہے۔
میڈیا رپورٹس کے مطابق طوفان کے آئندہ چند گھنٹوں میں ساحل سے ٹکرانے کی پیش گوئی کی گئی ہے۔بارباڈوس میں ہلکی بارش جاری ہے، بھارتی ٹیم ہوٹل کے اندر ہے اور ہوٹل کا عملہ بھی بہت کم ہے۔بھارتی میڈیا رپورٹ کے مطابق بھارتی اسکواڈ کو کھانے کے لیے قطار میں لگنا پڑ رہا ہے۔میڈیا رپورٹس کے مطابق بھارتی بورڈ چارٹرڈ فلائٹ کے انتظامات بھی کر رہا ہے تاہم صورتحال کا انحصار ایئرپورٹ کے کھلنے پر ہے، آئندہ 24 گھنٹوں کا ایکشن پلان کسی کو معلوم نہیں۔