اردوورلڈ کینیڈا( ویب نیوز) ایٹمی دھماکوں کی 27 ویں سالگرہ کے موقع پر فوجی قیادت نے قوم کو مبارکباد دی اور مادر وطن کے دفاع کے لیے ہر خطرے کے خلاف ثابت قدمی کا اعادہ کیا۔
آئی ایس پی آرکی جانب سے جاری کردہ ایک بیان میں مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے یوم تکبیر پر پاکستان کے عوام کو دلی مبارکباد پیش کی ہے
بیان میں کہا گیا ہے کہ پاکستان کی مسلح افواج مادر وطن کے دفاع کے لیے ہر خطرے کے خلاف اپنی ثابت قدمی کا اعادہ کرتی ہیں .آئی ایس پی آر کے مطابق یوم تکبیر اس تاریخی موقع کی یاد مناتے ہیں جب پاکستان نے جوہری طاقت بن کر جنوبی ایشیا میں اسٹریٹجک توازن بحال کیا اور اپنے دفاع کے حق پر زور دیا۔
یہ عظیم کامیابی قوم کے عزم، اتحاد اور باوقار اور پرامن وجود کے لیے مسلسل جدوجہد کی علامت ہے اعلامیہ میں کہا گیا ہے کہ پاکستان کی سٹریٹجک صلاحیت ایک قومی ٹرسٹ ہے جو عوام کی اجتماعی امنگوں کی عکاسی کرتی ہے۔
یوم تکبیر منانا قیادت کے وژن، ہمارے سائنسدانوں اور انجینئروں کی ذہانت اور ان تمام لوگوں کی قربانیوں کو خراج تحسین ہے جنہوں نے پاکستان کے دفاع کو ناقابل تسخیر بنایا۔
مسلح افواج نے کہا کہ یہ دن اپنی خودمختاری اور علاقائی سالمیت کے تحفظ کے لیے پاکستان کے غیر متزلزل عزم کو اجاگر کرتا ہے اور ہماری مستند کم از کم دفاعی حکمت عملی کے اصول کی توثیق کرتا ہے جو خطے میں امن اور تزویراتی استحکام کے قیام پر مبنی ہے۔
بیان میں کہا گیا ہے کہ پاکستان کی مسلح افواج مادر وطن کے دفاع کے لیے ہر خطرے کے خلاف اپنی ثابت قدمی کا اعادہ کرتی ہیں۔
