اردو ورلڈ کینیڈا ( ویب نیوز )دو پاکستانی بہنوں کی امریکی جیل میں مسلسل دوسرے روز ملاقات ہوئی جس میں ڈاکٹر عافیہ نے بار بار کہا کہ مجھے اس جہنم سے نکالو۔
ڈاکٹر عافیہ فورٹ ورتھ ٹیکساس میں واقع امریکی جیل ایف ایم سی کارسویل میں قید ہیں۔
دوسری ملاقات میں جماعت اسلامی کے سینیٹر مشتاق احمد خان اور انسانی حقوق کے وکیل کلائیو سمتھ بھی موجود تھے۔ سینیٹر مشتاق خان نے ایک ٹویٹ میں ڈاکٹر عافیہ صدیقی سے ملاقات کی تفصیل بتائی۔
آف وائٹ سکارف،خاکی ڈریس،سفید جاگرزمیں ملبوس ڈاکٹرعافیہ چھوٹےسے کمرے میں پارٹیشن کرکےشیشہ لگاکرٹیلیفون پر3 گھنٹے ملاقات/گفتگو،جو مکمل ریکارڈ ہورہی تھی،عافیہ کی صحت کمزور،بارباران کےآنکھوں میں آنسو،جیل اذیت سےدکھی اور خوفزدہ تھی،سامنے کےاوپرکے4 دانت ٹوٹے ہوئے تھے،ان کے سر پرچوٹ کی…
— Senator Mushtaq Ahmad Khan | سینیٹر مشتاق احمد خان (@SenatorMushtaq) May 31, 2023
انہوں نے لکھا کہ ’میں نے ڈاکٹر عافیہ سے 3 گھنٹے تک ملاقات کی، بات چیت مکمل ریکارڈ کی جارہی تھی، عافیہ صدیقی کی طبیعت کمزور ہے، ان کی آنکھوں میں بار بار آنسو آرہے تھے‘۔
ڈاکٹر عافیہ صدیقی کی 20 سال بعد اپنی بڑی بہن فوزیہ صدیقی سے ملاقات
سینیٹر مشتاق خان کے مطابق ڈاکٹر عافیہ بار بار کہہ رہی تھیں کہ مجھے اس جہنم سے نکالو، اجلاس کے اختتام پر ڈاکٹر عافیہ صدیقی کو زنجیروں میںجکڑ کر لے جایا گیا۔
سینیٹر مشتاق احمد خان نے کہا کہ ڈاکٹر عافیہ کی رہائی کی کنجی اسلام آباد میں ہے واشنگٹن میں نہیں
