اردو ورلڈ کینیڈا ( ویب نیوز ) افغان وزارت دفاع نے اعلان کیا ہے کہ ملک نے پہلا میلان کونکورسی (9M135) گائیڈڈ میزائل میدان میں اتارا ہے۔

افغان وزارت دفاع کے ترجمان عنایت اللہ خوارزمی نے کہا کہ یہ گائیڈڈ میزائل بکتر بند ٹینکوں، جنگی جہازوں اور کم پرواز کرنے والے ہیلی کاپٹروں کو نشانہ بنا سکتے ہیں۔انہوں نے کہا کہ 13 افراد نے ان میزائلوں کو چلانے کی تربیت مکمل کر لی ہے۔ وزارت قومی دفاع کے جنرل سٹاف کے آرٹلری ڈائریکٹوریٹ کے تحت 13 نوجوانوں نے ایک ماہ میں میلان کنکرسی گائیڈڈ میزائل کا پیشہ ورانہ اور عملی تربیتی کورس مکمل کیا۔

انہوں نے کہا کہ ان گائیڈڈ میزائلوں کو ملکی تاریخ میں پہلی بار فعال کیا گیا ہے جو بکتر بند ٹینکوں اور کم پرواز کرنے والے ہیلی کاپٹروں کو نشانہ بنا سکتے ہیں۔قبل ازیں وزارت خارجہ کے سیاسی امور کے نائب وزیر نے کابل میں ایک پروگرام کے دوران امارت اسلامیہ کی فوج کو جدید ہتھیاروں سے لیس کرنے کی ضرورت پر زور دیا۔وزارت دفاع نے پہلے کہا تھا کہ اس نے ملک بھر میں عوام کی حفاظت کو یقینی بنانے کے لیے ڈائریکٹوریٹ آف انٹیلی جنس اور وزارت داخلہ کے ساتھ مل کر اگلے سال کے لیے سیکیورٹی پلان کو حتمی شکل دے دی ہے۔