اردو ورلڈ کینیڈا ( ویب نیوز )قطری وزیراعظم محمد بن عبدالرحمن الثانی نے طالبان کے سپریم لیڈر ہیبت اللہ اخونزادہ سے ملاقات کی جس میں عالمی برادری کے ساتھ کشیدگی کے خاتمے کے لیے خفیہ مذاکرات کیے گئے۔

بین الاقوامی میڈیا رپورٹس میں ذرائع کا حوالہ دیتے ہوئے بتایا گیا ہے کہ طالبان نے اپنی سفارتی تنہائی کے خاتمے کے لیے بات چیت کے لیے نئی آمادگی کا اشارہ دیا ہے۔

یہ بھی پڑھیں

طالبان نے اقوام متحدہ کی افغان خواتین کارکنوں کو کام کرنے سے روک دیا

قطری وزیر اعظم محمد بن عبدالرحمن الثانی اور ہیبت اللہ اخونزادہ کے درمیان 12 مئی کو جنوبی افغان شہر قندھار میں ہونے والی ملاقات کے بارے میں کہا جا رہا ہے کہ طالبان رہنما کی کسی غیر ملکی رہنما سے پہلی ملاقات ہوئی ہے۔ ذرائع کا کہنا ہے کہ امریکی صدر جو بائیڈن کی انتظامیہ کو مذاکرات پر بریفنگ دی گئی اور وہ طالبان سے مذاکرات سمیت دیگر امور پر بھی بات چیت کر رہے ہیں۔

مزیر پڑھیں

طالبان سے مذاکرات کیلئے پاکستان کی مدد کی ضرورت نہیں، امریکی سفیر

ذرائع نے نام ظاہر نہ کرنے کی شرط پر بتایا کہ محمد بن عبدالرحمٰن نے ہیبت اللہ کے ساتھ دیگر مسائل پر بھی بات چیت کی، جیسے کہ لڑکیوں کی تعلیم اور طالبان کی طرف سے خواتین کی ملازمت پر سے پابندی ہٹانا۔