وزیراعظم آفس کی جانب سے سوشل میڈیا پر جاری بیان میں کہا گیا ہے کہ پاکستان کو غزہ میں جاری تشدد میں انسانی جانوں کے ضیاع پر گہری تشویش ہے، ہم مظلوم فلسطینی عوام کے ساتھ یکجہتی کا اظہار کرتے ہیں اور غزہ کا محاصرہ ختم کرنے کا مطالبہ کرتے ہیں۔
پی ایم آفس نے یہ بھی کہا ہے کہ اسرائیل کا غزہ کے باشندوں کو جان بوجھ کر نشانہ بنانا نہ صرف انسانیت کے خلاف ہے بلکہ بین الاقوامی قوانین کی بھی خلاف ورزی ہے۔
Pakistan is deeply concerned on the ongoing violence and loss of life in Gaza. We stand in solidarity with the oppressed people of Palestine and call for an immediate ceasefire and lifting of the blockade in Gaza. Israel’s deliberate, indiscriminate and disproportionate targeting…
— Prime Minister's Office (@PakPMO) October 16, 2023
وزیر اعظم کے دفتر نے کہا ہے کہ موجودہ پرتشدد کارروائیوں کو فلسطین پر عشروں کے ناجائز اسرائیلی قبضے اور وہاں کے عوام کے خلاف پالیسیوں کے تناظر میں دیکھا جانا چاہیے۔ اقوام متحدہ اور عالمی برادری کو فوری ایکشن لینا چاہیے۔ غزہ کے محصورین تک زندگی کی ضروری اشیاء کو بغیر کسی رکاوٹ کے پہنچانے کے لیے اقدامات کیے جائیں۔
پی ایم آفس کا کہنا ہے کہ پاکستان غزہ کی بگڑتی ہوئی صورتحال پر او آئی سی اور دیگر اسلامی ممالک سے قریبی رابطے میں ہے اور وزیر خارجہ جلیل عباس جیلانی 18 اکتوبر کو او آئی سی کی ایگزیکٹو کمیٹی کے اجلاس میں شرکت کریں گے جہاں وہ غزہ کا دورہ کریں گے۔
