اردوورلڈ کینیڈا ( ویب نیوز)تحریک انصاف نے بھی مردم شماری کے معاملے کو عدالت میں چیلنج کرنے کا فیصلہ کیا ہے۔پی ٹی آئی رہنما اسد عمر نے نجی ٹی وی سے گفتگو کرتے ہوئے کہا کہ آئین کے مطابق 90 دن میں انتخابات ہونا ہیں، مشترکہ مفادات کونسل نے مردم شماری کی منظوری دے دی ہے۔

اسد عمر نے کہا کہ الیکشن کمیشن نے تقریباً چار ماہ کا وقت دیا ہے، معاملے کو سپریم کورٹ بار ایسوسی ایشن نے چیلنج کیا ہے، کل تحریک انصاف بھی مردم شماری کے معاملے کو چیلنج کرے گی، فیصلہ عدالت نے کرنا ہے۔
اسد عمر نے کہا کہ سپریم کورٹ کی ڈیڈ لائن میں تاخیر ہوئی تو فروری یا مارچ میں انتخابات ہو سکتے ہیں۔
پی ٹی آئی رہنما کا کہنا تھا کہ پاکستان آئین کے تحت چلے تو بہتر ہوگا، اداروں میں تناؤ رہے تو معیشت کے حوالے سے اچھی خبر نہیں ہوگی۔
انہوں نے کہا کہ میرے خیال میں الیکشن میں تاخیر کے بارے میں سپریم کورٹ سے واضح فیصلہ آئے گا۔ شمشاد اختر اور ڈاکٹر وقار مسعود کے لیے یہ ایک چیلنجنگ صورتحال ہے لیکن وہ بہت تجربہ کار لوگ ہیں۔