تفصیلات کے مطابق مسلم لیگ (ن) کے امیدوار راجہ صغیر احمد نے پنجاب کے حلقہ پی پی چھ کہو ٹہ کے 68 پولنگ اسٹیشنوں کی دوبارہ گنتی کے لیے درخواست دی تھی۔ دوبارہ گنتی کے نتیجے میں راجہ صغیر احمد جیت گئے.
ذرائع کے مطابق دوبارہ گنتی میں مسلم لیگ (ن) کے امیدوار راجہ صغیر احمد کے 3 ہزار 621 ووٹوں میں اضافہ کیا گیا۔ ہارنے والے آزاد امید کرنل (ر) شبیر اعوان نے کہا کہ بیلٹ پیپرز پر ڈبل سٹیمپ لگا کر ووٹوں کو مسترد کر دیا گیا.
اس کے علاوہ تحریک انصاف کے کامیاب امیدوار عرفان اللہ خان پنجاب کے حلقہ پی پی 90 میں دوبارہ گنتی میں ہار گئے جبکہ آزاد امیدوار احمد نواز خان نوانی 7 ووٹوں کے فرق سے جیت گئے.
تحریک انصاف کے حمایت یافتہ آزاد امیدوار عرفان اللہ خان نے کہا ہے کہ دوبارہ گنتی غیر قانونی تھی، فارم 47 جاری ہونے کے بعد مجھے شکست دینے کے لیے دوبارہ گنتی کی گئی، ہمارے ووٹ مسترد کیے گئے، دوہری مہریں لگائی گئیں.
انہوں نے کہا کہ جھوک قلندر بخش پولنگ سٹیشن کا ہمارا نتیجہ شامل نہیں کیا گیا، بیلٹ پیپرز والے تھیلے پھاڑ دیے گئے جو اس بات کا واضح ثبوت ہے کہ جعلسازی کی گئی، زبردستی مار پیٹ کے خلاف قانونی کارروائی کی جائے گی اور عدالتوں کے دروازے کھٹکھٹائے جائیں گے.
115