29
اردوورلڈ کینیڈا( ویب نیوز)پی ٹی آئی اور جے یو آئی ایف کے درمیان ہونے والی میٹنگ میں ایک اہم پیش رفت سامنے آئی، دونوں جماعتوں نے مشترکہ طور پر آئینی ترمیم کا مسودہ تیار کرنے کا فیصلہ کیا۔.
ذرائع کے مطابق بیرسٹر سلمان اکرم راجہ اور سینیٹر مرتضیٰ کامران مشترکہ طور پر اپوزیشن کی جانب سے متفقہ آئینی ترمیم کا مسودہ تیار کریں گے۔.
میڈیا سے بات کرتے ہوئے سلمان اکرم راجہ نے کہا کہ مولانا فضل الرحمان ہمارے ساتھ ہیں، میڈیا میں مولانا کے فیصلے کی خبر درست نہیں ہے۔.
انہوں نے کہا کہ کٹھ پتلی آئینی عدالت بنانا نہیں ہو گا، اب جو کچھ ہو رہا ہے وہ بدنیتی پر مبنی ہے۔.
اس موقع پر صاحبزادہ حامد رضا نے کہا کہ مولانا فضل الرحمان اپنے موقف پر قائم ہیں، مولانا کا یہ موقف ہمارے لیے بہت خوش آئند ہے، وہ بڑی خوشی اور امید کے ساتھ یہاں سے جا رہے ہیں۔.
