پاکستان تحریک انصاف کے سینئر رہنما میاں اسلم اقبال نے پارٹی قیادت کی مشاورت سے پنجاب کے امیدواروں کے حتمی ناموں کا اعلان کیا.
پارٹی ذرائع کے مطابق تحریک انصاف نے سینئر وکیل حامد خان اور ذلفی بخاری کو پنجاب کی جنرل نشستوں کے لیے پارٹی ٹکٹ دینے کا فیصلہ کیا ہے جبکہ کرنل (ر) اعجاز منہاس جنرل نشستوں کے لیے کورنگ امیدوار ہوں گے.
ذرائع کا مزید کہنا ہے کہ تحریک انصاف نے احتساب کے سابق مشیر بریگیڈیئر (ر) مصدق کو ٹیکنوکریٹ سیٹ کے لیے امیدوار نامزد کرنے کا فیصلہ کیا ہے، جبکہ خواتین کی نشست کے لیے سینیٹ کے انتخابات میں یاسمین راشد کو میدان میں اتارا جائے گا.