اردوورلڈ کینیڈا ( ویب نیوز)پاکستان تحریک انصاف (پی ٹی آئی) کے 21 ستمبر کے جلسے سے قبل پولیس کا کریک ڈاؤن شروع ہوگیا ہےپولیس نے پنجاب اسمبلی میں پی ٹی آئی کے پارلیمانی لیڈر علی امتیاز وڑائچ کو گرفتار کر لیا، علی امتیاز وڑائچ 2 گھنٹے تک پولیس کی حراست میں رہے جس کے بعد پولیس نے انہیں رہا کر دیا۔
ان کے علاقے کی پولیس نے رات گئے پی ٹی آئی رہنما عالیہ حمزہ کے گھر پر بھی چھاپہ مارا۔
عالیہ حمزہ کا کہنا تھا کہ 16 ماہ قید رہنے کے باوجود پولیس نے میرے گھر پر چھاپہ مارا، تین تھانوں کی پولیس نے آدھی رات کو میرے گھر پر چھاپہ مارا، پولیس نے میرے گھر کی تلاشی لی۔
ان کا کہنا تھا کہ پی ٹی آئی کے جلسے سے ڈرتے ہیں، ضمانت پر ہوں
پی ٹی آئی کے دیگر رہنماؤں کے گھروں پر بھی چھاپے مارے جا رہے ہیں۔
دوسری جانب پی ٹی آئی نے لاہور جلسے کے انتظامات کے لیے 27 رکنی کمیٹی کا اعلان کر دیا ہے۔ واضح رہے کہ پاکستان تحریک انصاف نے 21 ستمبر کو مینار پاکستان لاہور میں جلسے کی اجازت کے لیے ضلعی انتظامیہ کو درخواست دے دی ہے۔
26
