اردوورلڈ کینیڈا( ویب نیوز)پاکستان تحریک انصاف (پی ٹی آئی) نے آج اسلام آباد میں ہونے والا اجلسہ ملتوی کر دیا ہے۔
پی ٹی آئی رہنما اعظم سواتی نے بیرسٹر گوہر کی موجودگی میں جلسہ ملتوی کرنے کا اعلان کیا،جلسہ بانی پی ٹی آئی کی ہدایت پر ملتوی کیا گیا، عمران خان کی ہدایت پرجلسہ 8 ستمبر کو ہوگا۔
اعظم سواتی نے تحریک انصاف کے بانی عمران خان سے اڈیالہ جیل میں ملاقات کی، اعظم سواتی نے مذہبی جماعت کے احتجاج سے متعلق آگاہ کیا۔
اعظم سواتی نے کہا کہ پی ٹی آئی کے بانی عمران خان نے ہدایت کی ہے کہ کسی بھی انتشار سے بچنے کے لیےجلسہ ملتوی کیا جائے۔
چیئرمین تحریک انصاف بیرسٹر گوہر نے کہا ہے کہ پی ٹی آئی کا جلسہ 8 ستمبر کو ہوگا، 8 ستمبر کے جلسے کا نوٹیفکیشن پہلے ہی دے دیا گیا ہے۔
واضح رہے کہ پاکستان تحریک انصاف نے ضلعی انتظامیہ کی جانب سے اجازت نہ ملنے کے باوجود آج ترنول میں جلسہ کرنے کا اعلان کیا تھا جب کہ مقامی انتظامیہ نے بھی پی ٹی آئی کے جلسے کو روکنے کے لیے کنٹینرز لگا کر سڑکیں بلاک کر دیں اب پی ٹی آئی کو 8 ستمبر کو جلسے کی اجازت دے دی گئی۔