اردوورلڈ کینیڈا( ویب نیوز)تحریک انصاف نے پنجاب اسمبلی کی مخصوص نشستوں کی ابتدائی فہرست تیار کر لی۔
فہرست بانی پی ٹی آئی کی منظوری کے بعد الیکشن کمیشن میں جمع کرائی جائے گی، تحریک انصاف کو خواتین کی 24 اور اقلیتوں کی تین مخصوص نشستیں ملنے کا امکان ہے۔
ذرائع کے مطابق تحریک انصاف کی جانب سے مخصوص نشست کے لیے سعدیہ ایوب، روبینہ خان اور عائشہ بھٹہ کے ناموں پر غور کیا جا رہا ہے، صنم جاوید کی بہن فلک جاوید کے نام پر بھی غور کیا جا رہا ہے۔
مخصوص نشستوں کے لیے روبینہ رضوان، روبینہ جمیل اور عاصمہ شجاع کے ناموں پر بھی غور کیا جا رہا ہے، قومی و صوبائی اسمبلی کے لیے یاسمین راشد، عالیہ حمزہ اور صنم جاوید کے نام تجویز کیے گئے ہیں۔
پی ٹی آئی نے مخصوص نشستوں کے لیے تین رکنی کمیٹی تشکیل دی تھی جس میں زرتاج گل، کنول شوز ب اور سیمابیہ طاہر شامل ہیں۔