اردوورلڈ کینیڈا( ویب نیوز)خیبرپختونخوا میں مخصوص نشستوں کے معاملے کے حوالے سے پی ٹی آئی نے صوبے میں شہداء کے لواحقین کو مخصوص نشستیں دینے کا فیصلہ کیا ہے۔
ذرائع کے مطابق 9 مئی کے واقعات میں شہید ہونے والوں کی بیواؤں کو خواتین کے لیے مخصوص نشستیں دی جائیں گی جن میں جاوید اکاخیل، سکندر، محمد بلال، ابرار احمد، جاوید گل شامل ہیں جن کی بیواؤں کو مخصوص نشستیں دی جائیں گی۔
ذرائع کا کہنا ہے کہ شہداء کی بیواؤں کو مخصوص نشستیں دینے کا فیصلہ بانی چیئرمین کی ہدایت پر کیا گیا ہے۔
واضح رہے کہ سپریم کورٹ آف پاکستان نے سنی اتحاد کونسل کی مخصوص نشستوں سے متعلق درخواستوں کا فیصلہ سناتے ہوئے الیکشن کمیشن اور پشاور ہائی کورٹ کے فیصلوں کو کالعدم قرار دیتے ہوئے کہا تھا کہ پاکستان تحریک انصاف (پی ٹی آئی) ) مخصوص نشستوں کی حقدار ہے۔
36