اردو ورلڈ کینیڈا( ویب نیوز) تحریک انصاف کے صدر چوہدری پرویز الٰہی کو آج عدالت میں پیش کیا جائے گا۔
گزشتہ روز چوہدری پرویز الٰہی لاہور میں بلٹ پروف گاڑی میں چھپ کر گھر سے نکلے، پیشگی اطلاع کی گئی تو لاہور پولیس اور اینٹی کرپشن ٹیم نے گاڑی کو روک لیا۔
تاہم جب پرویز الٰہی گاڑی سے نہ اترے تو گاڑی کی کھڑکیوں کے شیشے ٹوٹ گئے اور انہیں زبردستی باہر نکال کر گرفتار کرلیا گیا۔
پنجاب کے وزیر اطلاعات عامر میر نے کہا کہ چھپ چھپانے کے ماہر چوہدری پرویز الٰہی فرار ہوتے ہوئے پکڑے گئے۔
پرویز الٰہی کی گرفتاری کےبعد ان کےبیٹے مونس الٰہی نے ردعمل جاری کر دیا
پرویز الٰہی کے ڈرائیور نے پولیس کو بیان دیا کہ پی ٹی آئی صدر گلگت بلتستان فرار ہو رہے ہیں۔
دوسری جانب چوہدری پرویز الٰہی کے صاحبزادے مونس الٰہی کا کہنا ہے کہ والد کو جھوٹے مقدمے میں گرفتار کیا گیا۔
واضح رہے کہ پرویز الٰہی کے خلاف گوجرانوالہ میں اینٹی کرپشن کے دو مقدمات درج ہیں، ان پر ٹھیکوں میں کمیشن اور کک بیکس لینے کا الزام ہے، اس کے علاوہ ان کے خلاف لاہور میں بھی پرچہ درج ہے۔
