9
اردوورلڈ کینیڈا( ویب نیوز)تحریک انصاف کے سیکرٹری جنرل سلمان اکرم راجہ نے استعفیٰ واپس لے لیا، پارٹی ذرائع کے مطابق سلمان اکرم راجہ نے خود پر تنقید کے باعث استعفیٰ دیا تھا۔
پارٹی ذرائع کا کہنا ہے کہ سلمان اکرم راجہ چاہتے تھے کہ احتجاج کی ناکامی کی ذمہ داری ان پر نہ ڈالی جائے تاہم پارٹی رہنماؤں نے احتجاج کی ناکامی کا ذمہ دار مرکزی قیادت کو ٹھہرایا۔
دریں اثناء وزیراعلیٰ خیبرپختونخوا علی امین گنڈا پور نے مشال یوسفزئی کو ایک بار پھر کابینہ سے فارغ کرتے ہوئے انہیں معاون خصوصی کے عہدے سے ہٹانے کا نوٹیفکیشن بھی جاری کردیا۔
مشال یوسفزئی نے کہا کہ مجھے نجی ٹی وی کو دیئے گئے انٹرویو کی بنیاد پر ڈی نوٹیفائی کیا گیا۔
24 نومبر کو بیرسٹر گوہر کو پی ٹی آئی کے بانی سے ملاقات کے لیے بھیجا گیا، بیرسٹر گوہر نے پی ٹی آئی کے بانی سے کارکنوں کے لیے 20 سیکنڈ کی ویڈیو بنانے کو کہا۔ بانی پی ٹی آئی نے کسی اور کی مرضی پر ویڈیو بنانے سے انکار کیا، انہوں نے سارا اختیار بشریٰ بی بی کو دے دیا۔
