اردو ورلڈ کینیڈا ( ویب نیوز )کراچی سے رکن قومی اسمبلی اور تحریک انصاف سندھ کے نائب صدر محمود مولوی نے پارٹی چھوڑنے کا اعلان کردیا۔کراچی میں پریس کانفرنس کرتے ہوئے محمود مولوی نے کہا ہے کہ میں پاکستان تحریک انصاف چھوڑ رہا ہوں، قومی اسمبلی کی رکنیت سے بھی استعفی دے رہا ہوں۔ عمران خان خود کہتے تھے کہ فوج ہماری ریڑھ کی ہڈی ہے، میں استعفی عمران خان کو دوں گا فوج کی وجہ سے پاکستان محفوظ اور ایٹمی طاقت ہے میں عمران خان صاحب کا شکریہ ادا کرتا ہوں، ان کی وجہ سے میں نے الیکشن جیتا، پارٹی نے مجھے عزت دی۔
رکن قومی اسمبلی محمود مولوی نے کہا کہ آج میں ایم این اے ہوں، لوگ مجھے جانتے ہیں، بھارت کا باپ بھی شہدا کی یادگاروں کو نہیں توڑ سکتا۔ مجھے 1965 کی جنگ یاد ہے، 1971 کی جنگ، پاکستان فوج کی وجہ سے محفوظ ہے، شہدا کی یادگاروں کی توڑ پھوڑ پر دکھ ہوا، فوج سے لڑنا جائز نہیں، سب کو بتا ئوں گا کہ اگر ۔ فوج ہے تو پاکستان ہے۔انہوں نے مزید کہا ہے کہ میں نہیں جانتا کہ وہ لوگ کون تھے، میں اس ٹیم کا حصہ نہیں، فوج کے خلاف جانا درست نہیں، کیا وہ امریکہ، بھارت سے فوج لے کر آئیں گے، میں کسی پارٹی میں نہیں جا رہا۔ استعفی دینے کے بعد اکثر جماعتوں کا مسئلہ یہ ہے کہ میں حکومت میں ہوں تو فوج کی تعریف کرتا ہوں، جیسے اقتدار سے باہر ہوں تو فوج کو بدنام کرتا ہوں، عوام کی بات نہیں کرتا، سندھ حکومت صحت کارڈ جاری کرے۔
محمود مولوی نے کہا کہ اربوں روپے کا آٹا بانٹا گیا، کسی کو ملا اور کسی کو نہیں ملا۔ چالیس سال سے کاروبار کر رہا ہوں، سیاست میں پیسہ کمانے نہیں آیا۔ جب وہ پی ٹی آئی میں آئے تو صاف کہہ دیا کہ یہ گندی پارٹی ہے، یہ واقعات دیکھ کر بہت دکھ ہوا۔
رکن قومی اسمبلی نے کہا کہ میں نے تب بھی کہا تھا کہ ہم اسی طرح خانہ جنگی کی طرف جائیں گے۔ جماعتیں خوف کے بت کو بھی توڑ دیں۔ ہم غلام نہیں ہیں۔ فلاحی تنظیم یا نئی سیاسی جماعت بنا ئوں گا۔ جو لوگ ملک کو آگے دیکھنا چاہتے ہیں وہ اس پارٹی میں آئیں گے۔
