ضلعی انتظامیہ نے پی ٹی آئی کی درخواست پر حلقہ این اے 123 کاہنہ میں جلسے کی اجازت دے دی۔

اس سے قبل لاہور کی ضلعی انتظامیہ نے پاکستان تحریک انصاف کو لبرٹی چوک پر جلسے کی اجازت دینے سے انکار کر دیا تھا جس پر پی ٹی آئی نے لاہور ہائی کورٹ سے رجوع کیا تھا۔

درخواست پر سماعت کرتے ہوئے عدالت نے کہا تھا کہ اگر پی ٹی آئی کو اجازت نہیں ہے تو پھر کسی کو جلسے کی اجازت نہ دی جائے۔

عدالت نے ضلعی انتظامیہ سے جواب طلب کیا تھا جس پر ڈپٹی کمشنر آفس نے لاہور ہائیکورٹ میں پی ٹی آئی کی درخواست پر جواب جمع کراتے ہوئے کہا کہ لبرٹی میں جلسے کی اجازت دینے سے انکار کیا گیا۔