اردو ورلڈ کینیڈا ( ویب نیوز )پاکستان تحریک انصاف کی جیل بھرو تحریک کے آغاز پر وائس چیئرمین شاہ محمود قریشی اور جنرل سیکرٹری اسد عمر سمیت متعدد رہنما ئوں نے گرفتاری دے دی
تحریک انصاف کی سینئر لیڈر شپ نے سب سے پہلے خود کو گرفتاری کے لیے پیش کر دیا لیکن پولیس غائب۔ #جیل_بھرو_خوف_کے_بت_توڑو pic.twitter.com/rGbE6vnHdq
— PTI (@PTIofficial) February 22, 2023
لاہور میں کیپیٹل سٹی پولیس آفیسر کے دفتر میں پی ٹی آئی کے متعدد رہنما اور کارکن قیدی کی گاڑی میں سوار ہو کر قیدیوں کی وین کی چھت پر چڑھ گئے۔گرفتاری دینے والوں میں عمر سرفراز چیمہ، اعظم سواتی اور دیگر شامل ہیں۔اس حوالے سے پولیس کا کہنا تھا کہ ہم نے انہیں گرفتار نہیں کیا، وہ خود آئے اور جیل وین میں بیٹھ گئے، ہمیں حکومت کی جانب سے کوئی گرفتاری کا حکم نہیں ملا۔پولیس نے اہلکاروں سمیت سب کا سی سی پی او آفس میں داخلہ روک دیا جس کے بعد پی ٹی آئی کے کارکن سی سی پی او آفس کے سامنے سڑک پر لیٹ گئے۔پی ٹی آئی رہنما ئوں اور کارکنوں نے پولیس سے گرفتاری کا مطالبہ کیا۔ کارکن وین پر چڑھ گئے اور سیلفیاں لیں، پی ٹی آئی کے سوشل میڈیا اکائونٹ نے گرفتار رہنما ئوں کی سیلفیاں بھی جاری کر دیں۔بعد ازاں تحریک انصاف کے متعدد کارکن پولیس وین سے اتر کر سی سی پی او آفس سے واپس چیئرنگ کراس کی طرف روانہ ہوگئے۔
