17
اردوورلڈ کینیڈا( ویب نیوز)لاہور ہائیکورٹ نے تحریک انصاف کو مینار پاکستان پر جلسے کی اجازت کے لیے درخواست سماعت کے لیے مقرر کر دی۔
لاہور ہائیکورٹ کے جسٹس فاروق حیدر پی ٹی آئی رہنما عالیہ حمزہ اور شیخ امتیاز محمود کی درخواست پر سماعت کریں گے جس میں پنجاب حکومت اور دیگر کو فریق بنایا گیا ہے۔
درخواست میں موقف اختیار کیا گیا کہ پی ٹی آئی اپوزیشن کی سب سے بڑی جماعت ہے، تحریک انصاف نے لاہور میں جلسے کی متعدد درخواستیں دیں، پی ٹی آئی کو سیاسی بنیادوں پر لاہور میں جلسے کی اجازت نہیں دی گئی۔
دائر درخواست میں مزید کہا گیا کہ ڈپٹی کمشنر لاہور نے 21 ستمبر کو مینار پاکستان پر جلسے کے لیے درخواست دی ہے۔
درخواست میں استدعا کی گئی ہے کہ عدالت پی ٹی آئی کو مینار پاکستان پر جلسے کی اجازت دینے کا حکم دے۔
