ارډډدوورلڈ کینیڈا( ویب نیوز)شانگلہ میں فتنہ الخوارج کے دہشت گردوں نے پولیس چیک پوسٹ پر حملہ کرکے دو پولیس اہلکاروں کو شہید کردیا۔

پولیس کے مطابق دہشت گردوں نے گنا نگر پولیس چیک پوسٹ کو راکٹ لانچر سے نشانہ بنایا۔ دہشت گردوں کے حملے میں اے ایس آئی سمیت 2 اہلکار شہید اور محرر سمیت 2 زخمی ہوگئے۔
حکام کا کہنا ہے کہ شہید اہلکاروں میں اے ایس آئی حسن خان اور ہیڈ کانسٹیبل نثار خان شامل ہیں۔ زخمی اہلکاروں کو ہسپتال منتقل کر دیا گیا ہے۔
دوسری جانب وفاقی وزیر داخلہ محسن نقوی نے ضلع شانگلہ میں پولیس چوکی پر فتنہ الخوارج کے دہشت گردوں کے حملے کی شدید مذمت کرتے ہوئے فائرنگ سے شہید ہونے والے دو پولیس اہلکاروں کو خراج عقیدت پیش کیا۔
محسن نقوی نے اے ایس آئی حسن خان اور ہیڈ کانسٹیبل نثار خان کی شہادت پر دکھ اور افسوس کا اظہار کیا اور شہداء کے اہل خانہ سے دلی ہمدردی اور تعزیت کا اظہار کیا۔