259
اردو ورلڈ کینیڈا ( ویب نیوز)پاکستان اور امریکا کے درمیان انسداد دہشت گردی پر 2 روزہ مذاکرات 6 مارچ سے شروع ہوں گے، مذاکرات میں بارڈر سیکیورٹی پر بھی بات کی جائے گی۔
ترجمان امریکی محکمہ خارجہ کے مطابق امریکی انٹر ایجنسی کا وفد دہشت گردی سے نمٹنے کے لیے مشترکہ حکمت عملی پر بات چیت کے لیے آئندہ ہفتے پاکستان کا دورہ کرے گا۔ .
ترجمان نے کہا کہ پاکستان امریکہ انسداد دہشت گردی مذاکرات 6 اور 7 مارچ کو ہوں گے اور دونوں ممالک کے درمیان سرحدی سلامتی اور دہشت گردوں کی مالی معاونت روکنے پر بھی بات چیت ہوگی۔
ترجمان نے مزید کہا کہ دونوں ممالک کا موقف ہے کہ افغان سرزمین پاکستان کے خلاف دہشت گردی کے لیے استعمال ہو رہی ہے، کابل کے ساتھ اسلام آباد کے تعلقات اس لیے خراب ہوئے ہیں کیونکہ طالبان حکومت دہشت گردوں کے خلاف کریک ڈاؤن نہیں کر رہی۔
واضح رہے کہ گزشتہ ماہ اقوام متحدہ کی ایک رپورٹ میں انکشاف کیا گیا تھا کہ طالبان افغانستان میں دہشت گردوں سے لڑنے میں ناکام رہے ہیں۔
