209
اردو ورلڈ کینیڈا ( ویب نیوز ) فلسطین میں اسرائیلی فوج کی جارحیت تھم نہ سکی، مقبوضہ مغربی کنارے میں اسرائیلی فوج کی فائرنگ سے 3 سالہ فلسطینی بچہ شہید ہوگیا۔
فلسطینی حکام کے مطابق 3 سالہ محمد التمیمی یکم جون کو اسرائیلی فوج کی فائرنگ سے زخمی ہوا تھا۔
یہ بھی پڑھیں
اسرائیلی بمباری سےخوفزدہ 4 سالہ فلسطینی بچہ انتقال کر گیا
محمد التمیمی، جو ہسپتال میں زیر علاج تھا ، پیر کو زخموں کی تاب نہ لاتے ہوئے چل بسا۔واقعے پر فلسطینی وزارت خارجہ کا کہنا ہے کہ اسرائیلی فوج کی کارروائیوں سے متعلق اسرائیلی تحقیقات پر کوئی بھروسہ نہیں ہے اور فلسطینی بچوں کے خلاف اسرائیلی جرائم کی بین الاقوامی تحقیقات کا مطالبہ کرتے ہیں۔فلسطینی وزارت صحت کے مطابق مغربی کنارے اور غزہ میں اسرائیلی فوج کی فائرنگ سے رواں سال اب تک 158 فلسطینی شہید ہو چکے ہیں۔
مزید پڑھیں
