اردوورلڈ کینیڈا( ویب نیوز)البرٹا ایس پی سی اے کا کہنا ہے کہ وہ کیلگری کے شمال میں دیہی علاقے میں ایک درجن سے زائد لاوارث کتوں کی رپورٹس کا جائزہ لے رہے ہیں۔
یہ تحقیقات البرٹا کی شیبا انو سوسائٹی (SISA) کی جانب سے 31 جولائی کو کراس فیلڈ اور کارسٹیرز کے علاقے میں کئی شیبا انو کے مشتبہ ڈمپنگ کیس” کے بارے میں آن لائن پوسٹ کرنے کے بعد سامنے آئی ہیں۔
SISA کی صدر کورٹنی میک لین بتاتی ہیں کہ انہوں نے ایسا لاوارث کیس کبھی نہیں دیکھا، جہاں ایک ہی نسل کے اتنے کتوں کو جان لیوا حالات میں چھوڑ دیا گیا ہو۔
وہ کہتی ہیں کمیونٹی ممبران میں سے ایک جنہوں نے ہم سے رابطہ کیا انہوں نے دیہی ماحول میں کتوں کو پھینکنے کو موت کی سزا سے تشبیہ دی کھانے، پانی اور پناہ گاہ تک رسائی کے بغیر، اور قدرتی شکاریوں کے ساتھ، یہ ان کے لیے ایک انتہائی خطرناک صورتحال ہے۔
اور یہ ان دنوں ہوا جب درجہ حرارت 30 سینٹی گریڈ کے قریب تھا۔
SISA کی آن لائن پوسٹ میں دعویٰ کیا گیا کہ کراس فیلڈ اور کارسٹیئرز کے درمیان دیہی علاقے میں 13 سے 15 کتے ڈمپ کیے ، اور 10 کے پکڑے جانے کی تصدیق کی گئی تھی۔
فیس بک پوسٹ میں کہا گیا ہے کہ "جو شیبا پکڑے گئے ہیں وہ مبینہ طور پر خراب حالت میں ہیں،” انہوں نے مزید کہا کہ پکڑے گئے کسی بھی کتے کو کارسٹیرس ویٹ یا کے سی ایس اینیمل ریسکیو میں لے جایا جا سکتا ہے۔