اردوورلڈ کینیڈ ا ( ویب نیوز)مشہور امریکی کمپنی نے پاکستان میں پائے جانے والے گلابی ہمالیائی نمک کے ذخائر کو نکالنے اور برآمد کرنے کے لیے 200 ملین ڈالر کی سرمایہ کاری کی پیشکش کر دی۔
نمک کی درآمد، مینوفیکچرنگ اور سپلائی کے حوالے سے مشہور معروف امریکی کمپنی Miracle Salt Works Collective In Corporation نے پاکستان کے سفیر مسعود خان سے ملاقات کی اور انہیں اس حوالے سے باضابطہ بریفنگ دی۔
صدر اور سی ای او احمد این خان، نائب صدر ٹیڈ ایم بیلنٹائن، چیف کمیونیکیشن آفیسر محمد ایم خان، جیفری میلنڈر، ایم شمشیر خان میرکل سالٹ ورکس کلیکٹو انکارپوریشن کے اعلیٰ قیادت کے وفد میں شامل تھے، نہیں بتایا کہ کمپنی پاکستان میں پائے جانے والے گلابی نمک کو نکالنے، پروسیسنگ اور عالمی سطح پر تقسیم کرنے میں تقریباً 200 ملین ڈالر کی سرمایہ کاری کرے گی۔
بریفنگ کے دوران سفیر کو بتایا گیا کہ پاکستان میں گلابی نمک کے وسیع ذخائر موجود ہیں جس سے سالانہ 12 ارب ڈالر تک کی آمدنی ہو سکتی ہے۔ ایک اندازے کے مطابق پاکستان میں تقریباً 22.22 بلین ٹن گلابی نمک کے قدرتی وسائل موجود ہیں جو زیادہ تر سالٹ رینج کے علاقوں کالا باغ، ورچہ، کھیوڑہ اور بہادر خیل میں پائے جاتے ہیں۔ ان ذخائر کی بدولت بڑے پیمانے پر معاشی سرگرمیاں شروع کرنے کے بے پناہ امکانات ہیں۔
رپورٹ میں بتایا گیا کہ عالمی سطح پر تقسیم کے لیے پالیسی فریم ورک، پروسیسنگ، پیکیجنگ اور سہولیات کے فقدان کی وجہ سے اس وقت پاکستان اس منفرد نمک کی برآمد سے صرف 70 ملین ڈالر کماتا ہے جبکہ اس کی صلاحیت تقریباً 12 ارب ڈالر سالانہ ہے۔
ایم ایس سی آئی کے صدر احمد خان نے سفیر پاکستان کو بتایا کہ کمپنی پاکستان منرل ڈیولپمنٹ کارپوریشن کے ساتھ ایک مشترکہ منصوبے میں داخل ہو رہی ہے، کمپنی عالمی مارکیٹ میں آگاہی پیدا کرنے اور 2030 تک 10 ملین ٹن کے ذخائر کی تصدیق کرنے کا ارادہ رکھتی ہے۔
