اردو ورلڈ کینیڈا ( ویب نیوز ) امریکی صدارتی اور دیگر انتخابات کے لیے ٹیکساس سمیت مزید 9 امریکی ریاستوں میں قبل از وقت ووٹنگ شروع ہوگئی ہے۔ٹیکساس سمیت ان ریاستوں میں اکثر پولنگ اسٹیشنوں پر ووٹرز کی قطاریں لگی رہتی ہیں جو اپنے پسندیدہ امیدوار کو کامیاب کرانے کے لیے جلد ووٹ ڈالنا چاہتے ہیں۔ٹیکساس کے علاوہ فلوریڈا، جنوبی کیرولائنا، الاسکا، آرکنساس، کولوراڈو، کنیکٹی کٹ، ایڈاہو اور نارتھ ڈکوٹا میں آج ابتدائی ووٹنگ شروع ہوئی۔امریکا میں عام انتخابات 5 نومبر کو ہوں گے۔
صدارتی انتخاب میں ریپبلکن امیدوار ڈونلڈ ٹرمپ اور ڈیموکریٹک حریف کملا ہیرس کے درمیان مقابلہ متوقع ہے۔امریکی صدارتی انتخابات میں ری پبلکن صدارتی امیدوار ڈونلڈ ٹرمپ کی جیت کے امکانات بڑھ گئے ہیں۔ برطانوی جریدے دی اکانومسٹ کے مطابق ڈونلڈ ٹرمپ کی حمایت میں 2 ماہ میں پہلی بار اضافہ ہوا ہے۔ پولز کے مطابق اگست تک ڈیموکریٹک امیدوار کمالاہرس کو غیر جانبدار اور تیسرے فریق ووٹرز کی حمایت کی وجہ سے برتری حاصل تھی لیکن اب ریپبلکن جھکاؤ والے ووٹرز ٹرمپ کے پیچھے جمع ہوگئے ہیں جس سے صدارتی انتخابات میں ٹرمپ کی جیت کے امکانات بڑھ گئے ہیں۔ 8 فیصد تک بڑھا دیا ہے۔
