200
اردو ورلڈکینیڈا ( ویب نیوز )متحدہ عرب امارات میں مقیم افراد کے لیے نئے فیملی قوانین کا اعلان کر دیا گیا ہے۔
نئے قوانین کا اطلاق اماراتی اور غیر ملکی دونوں خاندانوں پر ہوگا۔نئے قانون کے تحت بچوں کے اماراتی قومی کارڈ اور پاسپورٹ کے غلط استعمال پر قانونی کارروائی کی جائے گی او قوانین کی خلاف ورزی پر جرمانے اور قید کی سزا بھی ہو سکتی ہے۔
بچوں کی تحویل کے قوانین کی خلاف ورزی پر جرمانے ہوں گے، نئے قوانین کے تحت بچوں کی تحویل کی عمر بھی بڑھا دی گئی ہے۔عائلی قوانین کے تحت غیر مسلم ماؤں کو بھی اپنے بچوں کی کفالت کا حق دیا گیا ہے جب کہ 15 سال کے بچے خود فیصلہ کر سکیں گے کہ وہ کس کے ساتھ رہنا چاہتے ہیں۔متحدہ عرب امارات کا نیا خاندانی قانون اپریل 2025 سے نافذ العمل ہوگا۔
