اردو ورلڈ کینیڈا ( ویب نیوز ) نیوزی لینڈ میں 5 ٹی ٹوئنٹی میچوں کی سیریز کے پہلے میچ کے لیے قومی ٹیم کے پلینگ الیون کا اعلان کر دیا گیا ۔قومی کپتان شاہین آفریدی کی قیادت میں عباس آفریدی اور اسامہ میر اپنا ٹی ٹوئنٹی ڈیبیو کریں گے جبکہ اعظم خان پاکستان کی فائنل الیون میں بطور وکٹ کیپر شامل ہوں گے۔محمد رضوان اور صائم ایوب اوپن جبکہ بابر ون ڈاؤن، فخر زمان چوتھے، افتخار احمد پانچویں اور اعظم خان چھٹے نمبر پر رہیں گے۔
عامر جمال ساتویں اور اسامہ میر آٹھویں جبکہ عباس آفریدی اور حارث رؤف بھی فائنل الیون کا حصہ ہوں گے۔پاکستان اور نیوزی لینڈ کی ٹی ٹوئنٹی سیریز کی ٹرافی کی نقاب کشائی کی گئی۔پہلے میچ سے قبل پریس کانفرنس میں کپتان شاہین آفریدی نے کہا کہ پاکستان ٹی ٹوئنٹی میں اچھا کھیل رہا ہے، بڑے مقابلوں میں بھی کارکردگی اچھی رہی ہے لیکن بدقسمتی سے، ان واقعات میں جو نتائج حاصل نہیں کیے جانے چاہیے تھے۔شاہین آفریدی نے کہا کہ اس وقت ٹیم کے کچھ کھلاڑیوں نے واپسی کی اور کچھ نئے کھلاڑی بھی ہیں۔
