اردو ورلڈ کینیڈا ( ویب نیوز )آرمی چیف جنرل قمر جاوید باجوہ نے بدھ کو مسلح افواج کے شہدا کو خراج عقیدت پیش کرتے ہوئے ان کے اہل خانہ کو یقین دلایا کہ پاک فوج سوگواروں کو کبھی تنہا نہیں چھوڑے گی۔جنرل ہیڈ کوارٹرز راولپنڈی میں یوم دفاع و شہدا کی تقریب کے دوران بطور آرمی چیف اپنے آخری خطاب کے آغاز پر جنرل باجوہ نے سیلاب کے باعث یوم دفاع و شہدا کی تقریب میں تاخیر پر معذرت کی۔
ان کا کہنا تھا کہ شہدا کو خراج تحسین پیش کرنا چاہتا ہوں جو پاکستان کا فخر ہیں انہوں نے یقین دلاتے ہوئے کہا کہ فوج ان کی مالی ضروریات پوری کرتی رہے گی۔جنرل باجوہ نے کہا کہ "میں اس عظیم فوج کے کمانڈر کے طور پر چھ سال تک خدمات انجام دینے پر فخر محسوس کرتا ہوں،” جنرل باجوہ نے مزید کہا کہ شہروں اور دیہاتوں میں امن اس کے شہدا کی قربانیوں کو تسلیم کیا جاتا ہے۔
آرمی چیف نے اپنے خطاب میں کہا کہ سازش کا جھوٹا بیانیہ بنا کر ہیجان پیدا کیا گیا ، غیر ملکی سازش پر فوج خاموش رہے یہ گناہ کبیرہ ہے ، جارحانہ رویے کو بھلا کر آگے بڑھنا چاہتا ہوں سیاسی پارٹیاں بھی جمہوری رویے کو فروغ دیں انہوں نے کہا کہ سابق مشرقی پاکستان کا سانحہ فوجی نہیں بلکہ سیاسی ناکامی تھی۔ ہماری فوج نے مشرقی پاکستان میں دلیری سے مقابلہ کیاجنرل باجوہ نے اپنے خطاب کے دوران کہا کہ مسلح افواج کا بنیادی کام جغرافیائی سرحدوں کی حفاظت کرنا ہے
انہوں نے کہا کہ پاکستان کا مستقبل جمہوریت میں ہے تقریب کے آغاز میں پاکستان میں سیلاب سے ہونے والی تباہی کو اجاگر کرنے والی ویڈیو چلائی گئی۔ سیلاب کے دوران امداد، بچا اور بحالی کی کوششوں میں حصہ لینے والے فوجی جوانوں کو ویڈیو کے ذریعے خراج تحسین پیش کیا گیا۔
تقریب کے دوران فلاح و بہبود کے عنوان سے ایک دستاویزی فلم بھی چلائی گئی جس میں جی ایچ کیو میں حاضر سروس اور ریٹائرڈ فوجی حکام نے شرکت کی۔ دستاویزی فلم نے اپنے فوجیوں اور ان کے خاندانوں کی فلاح و بہبود کے لیے فوج کی کوششوں پر روشنی ڈالی یہ جنرل باجوہ کی پاکستان کے چیف آف آرمی سٹاف کے طور پر یوم دفاع اور شہدا کی آخری تقریب تھی
