اردو ورلڈ کینیڈا ( ویب نیوز ) جی الیون میں انٹرنیٹ سروس بند کر دی گئی ،اسلام آباد، سیکٹر جی الیون میں سیکیورٹی خدشات کے باعث انٹرنیٹ سروس بند کردی گئی ہے۔

  توشہ خانہ کیس میں سابق وزیراعظم عمران خان کی آج اسلام آباد ہائیکورٹ میں پیشی کے باعث عدالت کے حکم پر سیکیورٹی کے سخت انتظامات کیے گئے ہیں۔

سیکیورٹی انتظامات کے پیش نظر شہر میں دفعہ 144 نافذ کر دی گئی ہے جبکہ جی 11 میں انٹرنیٹ سروس بھی بند کر دی گئی ہے۔ جوڈیشل کمپلیکس کے اطراف کی تمام سڑکوں کو سیل کر دیا گیا, دفعہ 144 کی خلاف ورزی پر کارکنان کی گرفتاری شروع کر دی گئی

یہ بھی پڑھیں

عمران خان توشہ خانہ کیس میں پیشی کے لیے زمان پارک سے روانہ

اور پولیس کی بھاری نفری تعینات کر دی گئی اور کنٹینرز لگا کر سڑکیں بند کر دی گئیں۔ جوڈیشل کمپلیکس تک پہنچنے کے لیے صرف سری نگر ہائی وے کھلی ہے۔

پی ٹی آئی کی فراہم کردہ فہرست کے مطابق پارٹی رہنماؤں کو داخلے کی اجازت ہوگی، ان کے علاوہ پی ٹی آئی کے کسی رہنما یا کارکن کو داخلے کی اجازت نہیں ہوگی، جب کہ عمران خان کی گاڑی کے ساتھ آنے والے پی ٹی آئی کارکنان کو داخلے کی اجازت ہوگی۔ داخلے پر بھی پابندی ہوگی۔اس کے علاوہ ایک قیدی وین کو G-11 چوک پہنچا دیا گیا ہے۔