ذرائع کے مطابق، اگر ایشیا کپ منسوخ ہوتا ہے تو صرف نشریاتی اور کمرشل آمدنی کی مد میں پی سی بی کو 1.16 ارب روپے کا فوری جھٹکا لگ سکتا ہے۔ اس کے علاوہ، بورڈ نے اپنی سالانہ سرگرمیوں کے لیے آئی سی سی کی جانب سے 25.9 ملین ڈالر (تقریباً 7.5 ارب روپے) مختص کیے تھے، جن پر اب خطرے کی تلوار لٹک رہی ہے۔باوثوق ذرائع کا دعویٰ ہے کہ بھارت نے نہ صرف ایشیا کپ بلکہ اے سی سی اجلاس کے مقام یعنی ڈھاکا پر بھی اعتراض کیا ہے، اور واضح طور پر اپنے کسی بھی نمائندے کو بھیجنے سے انکار کر دیا ہے—یہاں تک کہ ویڈیو لنک کے ذریعے شرکت سے بھی گریز کیا جا رہا ہے۔بھارتی میڈیا کے مطابق، بھارت مکمل بائیکاٹ پر غور کر رہا ہے، جو اس خدشے کو حقیقت کا روپ دے سکتا ہے کہ ایشیا کپ مکمل طور پر منسوخ ہو جائے۔ اس کے نتیجے میں صرف پاکستان ہی نہیں بلکہ پورے خطے کی کرکٹ کو نقصان پہنچ سکتا ہے۔ کیا یہ سب کچھ محض اتفاق ہے؟ یا واقعی کوئی بڑی سازش تیار کی جا چکی ہے؟ کیا ایشیا کپ کرکٹ کا اگلا "سیاسی میدان جنگ” بننے جا رہا ہے؟فیصلہ اب صرف کرکٹ بورڈز کا نہیں، بلکہ وقت کرے گا کہ کھیل کے اصل محافظ کون ہیں—اور کھیل کے نام پر سیاست کرنے والے کون۔