159
اردو ورلڈ کینیڈا ( ویب نیوز ) پاکستان کو رواں سال ستمبر میں ون ڈے فارمیٹ کے ایشیا کپ کی میزبانی کرنی ہے تاہم گزشتہ سال ایشین کرکٹ کونسل کے صدر اور بھارتی کرکٹ بورڈ کے سیکرٹری جے شاہ نے اعلان کیا تھا کہ بھارتی ٹیم اس ٹورنامنٹ میں نہیں جائے گی .
بھارت کے اس سال پاکستان میں شیڈول ایشیا کپ کھیلنے کے امکانات نہ ہونے کے برابر ہیں۔ اس حوالے سےپی سی بی کی درخواست پر ایشین کرکٹ کونسل کا اجلاس بحرین میں ہوگا۔
پاکستان کرکٹ بورڈ (پی سی بی) کی مینجمنٹ کمیٹی کے چیئرمین نجم سیٹھی اجلاس کے لیے بحرین میں ہیں جب کہ بھارتی کرکٹ بورڈ کے سیکریٹری جے شاہ بھی اجلاس میں شرکت کے لیے بحرین پہنچ گئے ہیں بھارتی میڈیا کا کہنا ہے کہ بی سی سی آئی ایشیا کپ کے حوالے سے اپنا فیصلہ تبدیل نہیں کرے گا۔
بھارتی میڈیا کے مطابق ایشیا کپ کی میزبانی پاکستان کرے گا تاہم مقام تبدیل کیا جائے گا۔ اس سال ایشیا کپ متحدہ عرب امارات یا سری لنکا میں کھیلے جانے کے امکانات ہیں۔بھارتی میڈیا کے مطابق بھارتی حکومت کی جانب سے گرین سگنل نہ ملنے کی وجہ سے بھارتی ٹیم پاکستان نہیں جائے گی۔Asia
