اردو ورلڈ کینیڈا ( ویب نیوز)عمران خان کی امریکی رکن کانگریس میکسین مور واٹرز سے زوم پر ہونیوالی منظر عام پر آگئی ہے۔

زوم میٹنگ نے تمام راز کھول دیئے۔ مبینہ آڈیو میں عمران خان زوم میٹنگ میں امریکی کانگریس کی خاتون سے بات کر رہے ہیں۔

عمران خان نے امریکی خاتون سے تعارف میں کہا کہ 99 فیصد پاکستانی عمران خان کو چاہتے ہیں اور وہ مقبول ترین سیاسی رہنما ہیں۔

انہوں نے کہا کہ مجھ پر قاتلانہ حملہ ہوا ہے جس میں مجھے ٹانگ میں تین گولیاں لگیں، اس وقت ملک انتہائی مشکل حالات سے گزر رہا ہے، ہم اس وقت تاریخ کے مشکل ترین حالات سے دوچار ہیں۔

عمران خان نے ہمیشہ کی طرح اپنے اوپر ہونے والے قاتلانہ حملے کا ذمہ دار فوج اور دیگر اداروں کو ٹھہراتے ہوئے کہا کہ یہاں ملٹری اسٹیبلشمنٹ اور انٹیلی جنس ایجنسی بہت طاقتور ہیں۔

عمران خان نے تحریک عدم اعتماد کا الزام سابق آرمی چیف پر عائد کرتے ہوئے اپنے دور کی معاشی کارکردگی کو امریکی خاتون کے سامنے بہترین قرار دیا۔ عمران خان نے کہا کہ میں صرف یہ چاہتا ہوں کہ آپ میرے حق میں آواز بلند کریں۔زوم میٹنگ کے اختتام پر عمران خان اور ان کے ساتھی خوش نظر آئے۔