اردوورلڈ کینیڈا ( ویب نیوز)انسداد دہشت گردی کی عدالت نے کینال روڈ پر جلاؤ گھیراؤ اور پولیس اہلکاروں پر تشدد کیس میں پاکستان تحریک انصاف کے رہنماؤں کی عبوری ضمانت میں 6 مئی تک توسیع کر دی ہے۔
کینال روڈ پر جلاؤ گھیراؤ اور پولیس اہلکاروں پر تشدد کے مقدمے میں نامزد پاکستان تحریک انصاف کے رہنما اسد عمر، ڈاکٹر یاسمین راشد، فرخ حبیب اور مسرت جمشید چیمہ عدالت میں پیش ہوئے

عدالت نے استفسار کیا کہ تحقیقات میں کیا پیش رفت ہوئی ہے، جے آئی ٹی کے سربراہ آفتاب پھلروان نے عدالت کو بتایا کہ مسرت جمشید چیمہ اور فرخ حبیب ابھی تک تفتیش میں شامل نہیں ہوئے، مسرت جمشید چیمہ کے وکیل نے جواب دیا کہ ہماری طرف سے جے آئی ٹی کو چیلنج کیا گیا ہے۔
انسداد دہشت گردی کی عدالت کے جج نے ریمارکس دیئے کہ جے آئی ٹی ختم ہو جائے تب بھی بیان ریکارڈ کرنا ہوگا۔
بعد ازاں عدالت نے اسد عمر، فرخ حبیب اور دیگر کی عبوری ضمانت میں 6 مئی تک توسیع کرتے ہوئے کہا کہ کیس کی سماعت کے بعد فیصلہ کریں گے۔
عدالت نے مسرت چیمہ اور فرخ حبیب کو تفتیش میں شامل ہونے کی ہدایت کی۔