اردوورلڈ کینیڈا( ویب نیوز)یورپی ایئر سیفٹی ایجنسی (ای اے ایس اے) نے پاکستان انٹرنیشنل ایئرلائنز (پی آئی اے) کی یورپ جانے والی پروازوں پر پابندی اٹھا لی ہے۔
پی آئی اے ترجمان کے مطابق آئی اے ایس اے نے پی آئی اے کی ٹیم اور انتظامیہ کو سخت ترین معیارات پر پورا اترنے پر مبارکباد دی، پی آئی اے آئی اے ایس اے اور اس کے قواعد و ضوابط کی مکمل پاسداری جاری رکھے گی۔
ترجمان نے کہا کہ پی آئی اے انتظامیہ نے گزشتہ 4 سال کی انتھک کوششوں کے بعد یہ اہم سنگ میل حاصل کیا ہے، اس پابندی کے بعد اب پوری قوم اپنی قومی ایئر لائن پر دوبارہ یورپی سیکٹرز پر براہ راست سفر کر سکے گی۔
دوسری جانب وزیراعظم شہباز شریف نے یورپی کمیشن اور یورپی ایوی ایشن سیفٹی ایجنسی کی جانب سے پاکستان انٹرنیشنل ایئرلائنز کی پروازوں پر پابندی اٹھانے کا خیرمقدم کیا ہے۔
وزیراعظم نے اس پیشرفت پر وفاقی وزیر خواجہ آصف، وزارت ہوا بازی، پاکستان سول ایوی ایشن اتھارٹی کے حکام اور پی آئی اے انتظامیہ کو مبارکباد دی اور کہا کہ پابندی کے خاتمے سے پی آئی اے کی ساکھ اور مالی طور پر بھی مضبوط ہوگی۔ اس سے فائدہ ہوگا۔
وزیر دفاع خواجہ آصف نے اپنے بیان میں کہا کہ پی آئی اے کی یورپ جانے والی پروازوں پر پابندی اٹھا لی گئی ہے اور مذکورہ پابندی کا خاتمہ ایک یادگار موقع ہے۔
انہوں نے کہا کہ یہ ایک تاریخی دن ہے، یہ کامیابی وزارت ہوابازی اور شہری ہوابازی نے حفاظتی معیارات کو یقینی بنانے میں حاصل کی ہے اور پاکستانی ایئرلائنز پر عائد پابندی اٹھا لی گئی ہے۔
