اردوورلڈ کینیڈا( ویب نیوز)بینک آف کینیڈا 5 جون کو شرح سود کے حوالے سے اس سال کی چوتھی اپ ڈیٹ جاری کرنے جا رہا ہے، جس پر لوگوں کو بہت امیدیں ہیں کہ بینک بالآخر کینیڈا کے سود کی شرح میں کمی

اس سے قبل جنوری، مارچ اور اپریل میں بینک آف کینیڈا نے شرح سود میں اضافہ نہیں کیا تھا تاہم گزشتہ سال سے شرح سود کو 5 فیصد پر برقرار رکھا گیا ہے۔ پچھلے اپ ڈیٹ کے دوران، بینک آف کینیڈا نے کہا کہ 2024 میں کینیڈا کی جی ڈی پی 2.75% پر اور 2025-26 میں تقریباً 3% تک پہنچنے کا امکان ہے۔ اس کے ساتھ ہی بینک آف کینیڈا نے کہا کہ اس سال کے آخر تک کینیڈا کی افراط زر کی شرح کو 2 فیصد تک لانے کا ہدف پورا کر لیا جائے گا۔
اگرچہ کینیڈین عوام مہنگائی کے معاملے پر اب بھی ناراض ہیں کیونکہ کینیڈا کے سرکاری اداروں کے مطابق مہنگائی کی شرح کم ہو رہی ہے لیکن کینیڈا کے عوام کا کہنا ہے کہ روزانہ استعمال ہونے والی اشیائے خوردونوش کی قیمتیں آسمان کو چھو رہی ہیں۔ جس سے بڑی گروسری کمپنیاں منافع کما رہی ہیں۔
بینک آف کینیڈا نے 2022 سے اب تک شرح سود میں 7 بار اضافہ کیا ہے۔ جنوری میں شائع ہونے والی ایک رپورٹ میں آکسفورڈ کے ماہرین نے کہا کہ بینک آف کینیڈا اس سال کے وسط کے بعد شرح سود میں کمی کا فیصلہ کر سکتا ہے۔