اردو ورلڈ کینیڈا ( ویب نیوز )چیف جسٹس آف پاکستان جسٹس عمر عطا بندیال کا بنچ اچانک ڈی لسٹ ہوگیا۔بنچ کے سامنے سماعت کے لیے مقرر تمام کیسز بھی ڈی لسٹ کر د ئیے گئے، رجسٹرار سپریم کورٹ نے کیسز ڈی لسٹ کرنے کا نوٹیفکیشن جاری کر دیا۔

چیف جسٹس پاکستان کے بینچ میں جسٹس جمال مندوخیل اور جسٹس اطہر من اللہ بھی شامل تھے، بینچ کے سامنے آج 12 کیسز کی سماعت ہونی تھی۔

سپریم کورٹ کے بنچ نمبر 2 کے کیسز کی فہرست بھی منسوخ کر دی گئی، جسٹس سردار طارق مسعود اور جسٹس شاہد وحید پر مشتمل بنچ کی کاز لسٹ بھی منسوخ کر دی گئی۔

بینچ نمبر 2 کے لیے جسٹس اعجاز الاحسن اور جسٹس امین الدین خان پر مشتمل نیا بنچ تشکیل دے دیا گیا ہے۔ سپریم کورٹ کے رجسٹرار آفس نے بینچ نمبر 2 کے نئے کیسز کی فہرست جاری کر دی ہے۔