اردو ورلڈ کینیڈا ( ویب نیوز ) پاکستان میں نئے سال کا آغاز ہوتے ہی سٹاک ایکسچینج میں نیا اتار چڑھاؤ دیکھا جا رہا ہے۔

گزشتہ روز بھی سرمایہ کاروں کے مارکیٹ پر اعتماد کے نتیجے میں انڈیکس 117000 پوائنٹس کی ریکارڈ سطح عبور کر گیا جس کے بعد آج دوسرے روز بھی مارکیٹ میں تیزی کا رجحان برقرار ہے۔جمعرات کو اسٹاک مارکیٹ کا آغاز 344 پوائنٹس کے اضافے کے ساتھ ہوا، جس سے انڈیکس 117,352 پوائنٹس تک پہنچ گیا۔ بعد ازاں کے ایس ای 100 انڈیکس میں بتدریج 960، 1121 اور 1282 پوائنٹس کا اضافہ ہوا جس کے نتیجے میں انڈیکس 118,000 پوائنٹس کی بلند ترین سطح عبور کرکے 118,220 پوائنٹس پر پہنچ گیا۔