غزہ کی وزارت صحت کی جانب سے جاری بیان میں کہا گیا ہے کہ 24 گھنٹوں کے دوران اسرائیلی حملوں میں 107 فلسطینی شہید اور 145 زخمی ہوئے۔ فلسطینی شہداء کی کل تعداد 29 ہزار ہو گئی۔رمضان تک اسرائیلی یرغمالیوں کو رہا نہ کیے جانے کے بعد اسرائیل نے رفح میں زمینی کارروائی کا اعلان کیا تھا تاہم یورپی یونین نے اسرائیل کو رفح پر پیش قدمی کے خلاف خبردار کیا تھا۔

یورپی یونین کے وزرائے خارجہ کا کہنا ہے کہ رفح پر حملہ 15 لاکھ بے گھر فلسطینیوں کے لیے تباہ کن ہوگا۔دوسری جانب حماس نے خان یونس میں اسرائیلی فوج پر حملہ کیا جس میں متعدد اسرائیلی فوجی ہلاک اور متعدد زخمی ہوگئے۔دوسری جانب فرانسیسی اخبار نے دعویٰ کیا ہے کہ لبنانی عسکری تنظیم حزب اللہ کے پاس خفیہ سرنگوں کا نیٹ ورک موجود ہے جو غزہ کی پٹی میں حماس کے قائم کردہ نیٹ ورک سے زیادہ جدید ہے جس کا دائرہ اسرائیل تک پھیلا ہوا ہے۔