اردوورلڈ کینیڈا( ویب نیوز)کینیڈا کا صوبہ کیوبیک 3 ستمبر سے ورک پرمٹ ہولڈرز کا داخلہ روک رہا ہے۔ معلومات کے لیے آپ کو بتاتے چلیں کہ لیبر مارکیٹ امپیکٹ اسسمنٹ کے ساتھ درخواستوں کو یہاں روکا جا رہا ہے اور یہ سٹاپ 6 ماہ تک جاری رہے گا۔ رپورٹس کے مطابق 27.47 فی گھنٹہ سے کم اجرت والی درخواستیں قبول نہیں کی جائیں گی۔ کیوبیک میں اجرت کی اوسط شرح $27 پر چل رہی ہے اور صوبائی حکومت کم از کم عارضی رہائشیوں کو مدعو کرنے کے لیے تیار ہے۔ کئی مہینوں سے، کیوبیک پریمیئر فرانسوا لیگلٹ کینیڈا کی حکومت سے ایسی پابندیاں عائد کرنے کا مطالبہ کر رہے ہیں جو عارضی امیگریشن کو روک سکیں۔
کینیڈا کی حکومت کی جانب سے ایک اور سخت امیگریشن پالیسی ایک ایسے وقت میں متعارف کرائی جا رہی ہے جب اقوام متحدہ کی ایک رپورٹ میں عارضی غیر ملکی کارکنوں کو غلام بنائے جانے کا الزام لگایا گیا ہے۔ رپورٹ میں کہا گیا ہے کہ عارضی غیر ملکی ملازمین کو نہ صرف جسمانی اور ذہنی تشدد کا نشانہ بنایا جاتا ہے بلکہ آجر بھی اجرت دینے سے انکاری ہیں۔ غیر ملکی ورکرز کے ساتھ بہت بری زبان استعمال کی جاتی ہے اور جنسی طور پر ہراساں کرنے کی شکایات بھی سامنے آرہی ہیں۔
رپورٹ میں حکومت کینیڈا سے مطالبہ کیا گیا ہے کہ وہ عارضی غیر ملکی کارکنوں سے متعلق قوانین میں بڑی تبدیلیاں کرے تاکہ کارکنوں کی رہائش، صحت کی دیکھ بھال اور امیگریشن کی حیثیت کا معاملہ آجروں کے کنٹرول سے باہر ہو سکے۔