رجسٹرڈ افغان مہاجرین کے رجسٹریشن کارڈ کی مدت میں 6 ماہ کی توسیع کا فیصلہ کیا گیا ہے۔ذرائع کا کہنا ہے کہ وزارت خارجہ اور وزارت داخلہ نے پی او آر کی مدت میں توسیع کی سفارش کی تھی جس کے بعد پی او آر کی توسیع کا اطلاق رجسٹرڈ افغان مہاجرین اور ان کے اہل خانہ پر کیا جائے گا۔ ذرائع کے مطابق رجسٹرڈ افغان مہاجرین کے رجسٹریشن کارڈ کی میعاد 30 جون 2023 کو ختم ہو گئی تھی۔پاکستان میں رجسٹرڈ افغان مہاجرین کی تعداد 13 لاکھ سے زائد ہے۔