انوارالحق کاکڑ نے کہا کہ ووٹرز کی زیادہ ذمہ داری ہے، عوام کارکردگی کی بنیاد پر ووٹ دیتے ہیں، اب وہ بلوچستان عوامی پارٹی کا حصہ نہیں، مخلوط حکومتوں میں عوام ناراض اور خوش ہیں، پی ٹی آئی کی حکومت سے بہت اچھا رشتہ تھا تاہم پی ٹی آئی حکومت کے آخری مہینے میں اچھا رشتہ نہیں رہا۔
نگران وزیراعظم نے کہا کہ سیاسی جماعتوں کو اپنے اندر جمہوریت لانا ہوگی، چیئرمین پی ٹی آئی، مریم نواز، بلاول بھٹو، مولانا فضل الرحمان سے ملاقات نگرا ن وزیراعظم کا عہدہ سنبھالنے سے قبل ہوئی۔
انہوںنے گفتگو کرتے ہوئے مزید کہا کہ کسی سیاسی جماعت میں شمولیت کا سوچا تک نہیں۔ کسی بھی سیاسی جماعت میں شامل ہونا بطور شہری میرا حق ہے نومئی کیسز کے بارے میں کہا کہ یہ ایک قانونی عمل ہے، اگر کسی کو اس قانونی عمل سے الیکشن میں حصہ لینے سے روکا گیا تو اس کے خلاف قانونی کارروائی ہوگی۔
نگران وزیراعظم نے کہا کہ پی ٹی آئی، اے این پی سمیت تمام جماعتوں کو الیکشن میں حصہ لینے کا حق ہے، حیران ہوں کہ ایسے سوالات کیوں ہیں، کابینہ میں کسی سیاسی جماعت پر پابندی لگانے کی کوئی بات نہیں ہوئی۔