اردوورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ 85 رکنی کابینہ نے 2 روز میں 53 بل قومی اسمبلی میں 9 ارکان کی موجودگی سے منظور کر کے جمہوریت کی رفتار کا عالمی ریکارڈ قائم کیا ، بلوں کی فیکٹری چل رہی ہے۔
سماجی رابطے کی ویب سائٹ ٹوئٹر پر اپنے بیان میں شیخ رشید کا کہنا تھا کہ کسی رکن کو یہ بھی معلوم نہیں کہ وہ کون سا قانون پاس کررہا ہے ۔
85 رکنی کابنیہ نےقومی اسمبلی میں 9 ممبروں کی حاضری پر2دنوں میں 53 بل پاس کر کے جمہوریت کی تیز رفتاری کاعالمی ریکارڈ قائم کیا اور تو کوئی فیکٹری چل نہیں رہی بلوں کی فیکٹری چل رہی ہے جس ممبر کو یہ بھی نہیں پتہ کہ وہ کیا قانون پاس کر رہا ہے اور اُس نے خود ایک دن اپنی اس قانون سازی…
— Sheikh Rashid Ahmed (@ShkhRasheed) August 3, 2023
کسی پارٹی کو دیوار سے لگانے اور منتخب کرنے کی بجائے ہمیں کھلے دل سے تسلیم کرنا چاہیے کہ ہم الیکشن میں جا کر عوام کے سامنے منہ دکھانے کے لائق نہیں ہیں۔
انہوں نے کہا کہ عوام جانتے ہیں کہ نئی مردم شماری پر الیکشن دو تہائی اکثریت سے ترمیم کے بغیر ممکن نہیں، لیکن جس دن انہوں نے عوام کو سچ بتایا وہ ان کے ڈرامے کا آخری دن ہو گا، ان کی الٹی گنتی شروع ہو چکی ہے۔
سابق وفاقی وزیر نے کہا کہ راولپنڈی کے پولیس افسران صرف سیاسی کارکنوں اور ان کے اہل خانہ، بچوں اور خواتین کو رات کے اندھیرے میں گھروں سے اٹھا سکتے ہیں لیکن قبرستانوں میں جوئے اور منشیات کے اڈے، ہاؤسنگ سوسائٹیوں سے بھتہ خوری، پولیس فنڈز کا غیر قانونی استعمال۔ . وہ ا نہیں نظر نہیں آتے لیکن وقت آنے پر نظر آئیں گے۔
انہوں نے کہا کہ جب وہ دیوار گراتے ہیں تو کہتے ہیں کہ اوپر سے حکم ہے، حالانکہ یہ سراسر جھوٹ ہے، اداروں کی طرف سے کوئی حکم نہیں ہے، وہ یہ سب کچھ مقامی سیاسی کارکنوں کی مرضی سے کر رہے ہیں اور حکومت کی سیاست کا قبرستان بنا رہے ہیں۔
عوامی مسلم لیگ کے سربراہ کا مزید کہنا تھا کہ موجودہ حکومت کے تماشے میں ایک ہفتہ باقی ہے، نگران حکومت اور اس کا نگران وزیراعظم وہی چابی سے چلیں گے جس سے موجودہ حکومت چل رہی ہے
