اردو ورلڈ کینیڈا ( ویب نیوز )سکیورٹی فورسز کی دہشت گردوں سے جھڑپ میں ملک کی حفاظت کرتے ہوئے ایک اور جوان شہید ہوگیا۔انٹر سروسز پبلک ریلیشنز (آئی ایس پی آر) کے مطابق جنوبی وزیرستان کے علاقے لدھا میں سیکیورٹی فورسز اور دہشت گردوں کے درمیان فائرنگ کا تبادلہ ہوا جس کے نتیجے میں لانس نائیک محمد صابر شہید ہوگئے۔

پاک فوج کے شعبہ تعلقات عامہ کے مطابق شہید لانس نائیک محمد صابر کا تعلق ضلع مانسہرہ سے تھا، علاقے میں دہشت گردوں کے خاتمے کے لیے سرچ آپریشن جاری ہے۔
آئی ایس پی آر کا کہنا ہے کہ مسلح افواج دہشت گردی کی لعنت کے خاتمے کے لیے پرعزم ہیں، ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔
وزیراعظم شہباز شریف نے جنوبی وزیرستان آپریشن میں شہید لانس نائیک محمد صابر کی شہادت پر گہرے دکھ کا اظہار کیا ہے۔
شہباز شریف نے کہا کہ پوری قوم پاک فوج کے عظیم فرزند کو ملک کے لیے قربانیوں پر خراج تحسین پیش کرتی ہے۔